Tag Archives: Teaching

«Վատ ուսուցչի յոթ մեղքերը… Ո՞րը դուք կգործեիք»

Standard
«Վատ ուսուցչի յոթ մեղքերը… Ո՞րը դուք կգործեիք»

Տարիներ շարունակ, թե որպես դպրոցական և թե որպես ուսուցչուհի ակամայից ուսւոմնասիրողն և դիտարկողն եմ դարձել  ուսուցիչների դասավանդման ընթացքին և նկատել եմ որոշ թերություններ: Ավելին, ես այդ նույն բացթողումները  նկատել եմ իմ իսկ դասարանում՝ որտեղ ես դասավանդում եմ անգլերեն լեզու: Այո՛, կան ուսուցիչներ, ովքեր անդրադարնում են և գրավոր ներկայացնում իրենց իսկ դասընթացի մատուցման թերությունները, որոնք պայմանականորեն կարելի է անվանել  վատ ուսուցչի «մահացու» յոթ մեղքերը, որոնք միանշանակ խորհուրդ չի՛ տրվում փորձարկել ձեր աշակերտների վրա:

Ավարտելով Հայաստանի լավագույն համալսարաններից մեկը, որի անունը ես իհարկե չեմ նշի, այլ կտողնեմ ընթերցողին, որ կռահի, ստացել եմ լավագույն գիտելիքները՝ թե ինչպես դասավանդել և՛ փոքրերին և՛ մեծահասակներին: Մենք, որպես լավագույն գիտելիքի կրողներս և Հայաստանի կրթական համակարգի բարեփոխումների գաղափարակիրներս, պատրաստ էինք (Ինչպես մենք էինք այդպես կարծում) փոխելու կրթական աշխարհը!! Այստե՛ղ լսվում են սգերգի հնչյուններ: Որովհետև ոչինչ այդքան հեշտ չէ, ինչպես կարծում ենք: Խոստովանում եմ, ես ունեմ իմ մեղքի չափաբաժինը, և որպես ուսուցչուհի, գործել եմ դասավանդման հետևյալ մեղքերից մի քանիսը:

Մեղք N1 Ինքնագովություն

Այո՛, իմ շատ սիրելի ուսուցիչներ և գործընկերներ: Մենք սիրում ենք գովաբանել ինքներս մեզ և կրկնել թե ինչ հզորն ենք մենք (Նայիր  վերը ընդգծված գրառմանը) և սա անուրանալի փաստ է:  Ինքնագովության զգացումը ավելի է զորանում, երբ մենք  չենք լսում մեր ականջին հաճելի խոսքեր մեր գործընկերներից, ծնողներից և որ ամենակարևորն է մեր աշակերտներից:

Խորհուրդ՝ մի հուսահատվե՛ք: Վաղ թե ուշ ճանաչման դափնիները կպսակեն ձեր փառավոր գլուխը, ուղղակի եղեք համբերատար, քանզի յուրաքանչյուր տքնաջան աշխատանք, և ես կրկնում եմ տքնաջա՛ն աշխատանքը կգնահատվի և կգովաբանվի, և սա ասում եմ՝ հիմնվելով իմ իսկ փորձառության վրա (կրկին նայի՛ր):

Մեղք N2 Աշակերտի արժանապատվության նսեմացում

Վիրավորելով աշակերտին/ուսանողին, որի մեջ կարելիր է ներառել ձայնից տոնի բարձրացումը, անձնական վիրավորանքները, ֆիզիկական ներգործությունը և այլն, ուսուցիչը անուղղակիորեն հոգեբանական վնասներ է հասցնում երեխային: Պատկերացնենք աշակերտը վիրավորի ձեզ՝ ձեր թույլ տված չնչին սխալի համար: Օրինակ՝ հետևյալ հարցին թե Ամերիկայի Միացյալ Նահանգների դրոշի հիսուն աստղերը ի՞նչ են խորհրդանշում, դուք ենթադրաբար պատասխանեք «ես կարծում եմ, որ խորհրդանշում են ԱՄՆ-ի հիսուն նախագահներին», իսկ ձեր աշակերտը ուղղելով ձեզ կասի «Ընկեր X անգրագե՞տ եք,  նախ ԱՄՆ-ի նախագահները առ այսօր քարասուն չորսն են, և հետո տվյալ աստղերը խորհրդանշում են ԱՄՆ-ի հիսուն նահանգները»: Ի՞նչ զգացողություն կունենաք՝ ամո՞թ, անհարմարությու՞ն: Հենց այդ նույն զգացողությունները կունենա ձեր ուսանողը՝ ում դուք կվիրավորեիք՝ անվանելով նրան անգրագետ ամբողջ դասարանի առջև:

Խորհուրդ՝ հարգելի  ուսուցիչներ փորձեք կառավարել ձեր խոսքը և գործողությունները: Նույնիսկ ծնողները իրավունք չունեն վիրավորելու իրենց երեխաներին: Աշակերտը/ուսանողը նույնպիսի մարդ է ինչպես և ուսուցիչները: Բացի այդ, ես համոզված եմ, որ ձեզ վստահաբար դուր չի գա «Տիկին Հրեշ» պիտակավորումը:

Մեղք N3 Լճացում

Հասարակական Գիտությունները անընդհատ զարգացման մեջ են, ինչը նշանակում է, որ այն անձինք, ովքեր մասնագիտացել են հասարակական գիտության որևէ ասպարեզում, կարիք ունեն միշտ հետևելու նոր զարգացումներին: Ամբողջ աշխարհում ուսուցիչները թարմացնում են իրենց գիտելիքները և հաճույթով մասնակցում են սիմպոզիումների և կոնֆերանսների, ուսուցիչների համար կազմակերպված վերապատրաստումներին: Նման հանդիպումներին կազմակերպիչները և վերապատրաստողները արծարծում են արդի դասավանդման մեթոդներ և որոշ դաստիարակչական որոշ նրբերանգներ՝ թե ինչպես իրենց դասերը հետաքրքիր դարձնել, գիտատեխնիկական զարգացումներին համընթաց քայլող երիտասարդների համար:

Ի հակադրություն վերը թվարկածներին, Հայաստանում ուսուցիչների մեծամասնությունը չի հետևում թե ինչ է կատարվում կրթական աշխարհում: Միայն ուսուցիչների չնչին մասն է հետևում և ոգևորությամբ մասնակցում գիտածողովներին և սեմինարներին:

Հայաստանը կրթականասպարեզի հուսադրող մեծ հեռապատկերներ ունի, և ներկայումս շնորհիվ տարբեր մարդկանց և կազմակերպությունների՝ ովքեր մտածում են Հայաստանի կրթության ապագայի մասին, փորձում են աջակցել կրթական կազմակերպություններին, և նպատակ ունեն աջակցելու ուսանողներին/երիտասարդությանը իրենց կրթության և կարիերայի մեջ: Չնայած,  ուսանողը հիմնական աջակցությունը պետք է ստանա ուսուցչից:

Խորհուրդ՝ ուսուցիչներ պարտադիր չէ բոլոր ուսումնական ծրագրերը և մեթոդները նորացնել և փոփոխել, այլ կարելի է հաջողված օտար նորագույն նվաճումները համադրել մեր տեղական՝ ժամանակի հնոցի միջով անցած փորձառության հետ (առանց ծայրահեղության), և փոխել ձեր վերաբերմունքը դասավանդման վերաբերյալ՝ վերջիվերջո քսանմեկերորդ դարն է: Կյանքում ամենինչ փոխադարձ է, եթե դուք փոխեք ձեր վերաբերմունքը ձեր առարկայի նկատմամբ, ձեր ուսանողը նույնպես կնայի ձեզ և ձեր առարկային նոր տեսանկյունից, և հաճույքով կմասնակցի ձեր դասերին (ոչ մի դասից փախչել, ոչ էլ առհամարական վերաբերմունք ուսանողի կողմից):

Մեղք N4 Երեխայի ունակության մասին կարծրատիպի խնդիր

Չափից շատ ուսուցիչներ իրենց ուսանողներին դատում են, հիմնվելով իրենց առաջին կամ նախնական տպավորությունների հիման վրա: Նման ուսուցիչներ թույլ չեն տալիս այն միտքը, որ չորս վատ գրված ստուգողականին կարող է հաջորդել մեկ հաջողված: Փաստորեն, մենք հնարավորություն չե՛նք տալիս մեր ուսանողներին վերափոխվելու, չէ՞ որ կրթության նպատական է վերափոխել մարդուն:

Խորհուրդ՝ փորձենք չդասակարգել ուսանողներին որպես անխելք և խելացի, վատ ու լավ վարքի տեր ուսանողի, քանզի պատկերացրեք, երբ տնօրինությունը ձեզ դասակարգի վատ ուսուցիչների շարքը:

Մեղք N5  Մենախոսության բարդույթ

Որոշ ուսուցիչներ խոսում են չափից շատ: Այո՛, մենք սիրում ենք խոսել և կարծում ենք, որ  այն ինչ պետք է ասենք սարսափելի կարևոր է և չպետք է թույլ տանք ներկայացվող  առարկայի որևէ եզրաշերտ մնա առանց բացատրության: Մենք սիրում ենք խոսել, յուրովի վերլուծել թեման, առանց առողջ քննարկում կազմակերպելու՝ ուսանող-ուսանող, ուսանող-ուսուցիչ միջև: Սա նշանակում է, որ մենք չենք վստահում մեր ուսանողներին, շատախոսելով սովորեցնում ենք մեր ուսանողներին հարմարվել մեզ:

Խորհուրդ՝ փորձեք խնայողաբար օգտագործել ձեր բառերը, որպեսզի ձեր ուսանողները լինեն ավելի կենտրոնացված ձեր դասերին:

Մեղք N6 Սխալ դասավանդման մեթոդների կիրառումը

Ուսուցիչները պետք է ի մտի ունենա, որ հե՛նց իրենք են ուսանողից/աշակերտից կերտում հասարակության ապագա անդամ, և նրա պարտականությունների մեջ է մտնում կիրառել դասավանդման այնպիսի մեթոդներ, որտեղ կիրառելի կլինի օրինակ՝ թիմային աշխատանքը, ստեղծագործական հմտությունները: Մենք թիմում աշխատելու մեծ խնդիրներ ունենք. կարողանում ենք իրականացնել անհատական ծրագրեր, բայց թիմային աշխատանքներում հաջողություն չենք ունենում: Սա գալիս է նրանից, որ մենք ինքներս դեռևս դպրոցական տարիներից չունենք թիմում աշխատելու փորձառություն:

Խորհուրդ՝ Սիրելի ուսուցիչներ մի՛ խուսափեք նոր մեթոդներին ծանոթանալուց և փոխարենը կիսվեք ձեր առավելագույնով ձեր գործընկերների և ուսանողների հետ և բաց եղեք ընդունելու ուրիշների խորհուրդները և տեսակետները:

Մեղք 7 Տեսականի և գործնականի ներդաշնակության բացակայություն

Երբեմն ուսուցիչները առաջնություն տալով տեսականին, մոռանում են նրա գործնական կիրառության մասին: Օրինակները շատ ավելի բզամազան են ու ընդարձակ քան ներքոնշյալը. օրինակ՝ լեզուների ուսուցման պարագայում, ուսուցիչը ստիպում է քերականական կանոններ անգիր սովորել՝ առանց դրանք տեքստերում կիրառելու:

Պնդում՝ հաջողված կարելի է համարել այն կրթությունը, որում ներդաշնակ են տեսականն ու գործնականը:

Որպես վերջաբան՝ սիրելի ուսուցիչներ, լինելով ուսուցիչ՝ գիտեմ, որ մեզանից շատ բան է կախված: Մենք ենք կրթողը և միաժամանակ դաստիարակողը երեխային, թե ինչպես ներկայանա իրական կյանքում: Մեր պարտականությունն է սովորեցնել և նպաստել, որպեսզի  ուսանողները լինել բաց, և միևնույն ժամանակ՝ զգոն: Լինել բաց, որպեսզի կիսվեն իրենց համադասարանցիների հետ ամենա լավ բաներով որ ունեն, բայց միաժամանակ օգնենք նրանց հասկանալու, որ լինելով բաց նրանք նաև պետք է լինեն զգոն, քանզի նրանք իրական կյանքում պետք է կարողանան դիմակայել ամենատարբեր մարտահրավերների: Այս փոստում ես չեմ փորձում պրոպագանդել՝ վերցնելու ուրիշինը, այլ ես առաջարկում եմ ճանաչել ուրիշինը և արարել մեր յուրօրինակ կրթական համակարգը: Հաճելի դասավանդում մեզ:

The Impact of Physical Environment on Learning- Woolner et al (2007)

Standard

Once i was giving private classes at home. One day I had regular class session, unfortunately I forgot to turn on heating. So, when my student came the first thing she noticed was it was cold at my home. So, during the session she was disrupted saying “she is cold”. My point is that the learning environment is very important both for teacher and the student.

During our class we were discussing the same issue; many peers were suggesting a specific environment for learning.

Also, I liked the activity the instructor gave us, we should and dig in the internet and find specific classroom design pictures which we would like to see. After it we had to upload it in a space provided in our Moodle page. I saw very creative and interesting interiors for classrooms. But for me, I would prefer to teach my students outside in a nature, in a more authentic environment.